منتجات خلصتهم 1

السلام عليكم كح كح < اوني أبا أرقع السالفه لأني من زمان ما كتبت وعبرت لكم عن مشاعري وجي يعني خخخ

شخباااركم  . في البدايه حبيت أخبركم أن عندي قناه في يوتوب وفكره أني أسوي فيديو مفضلاتي

( طلعت عن بالي خلاص .. كرهتهاااا ) لأن شي منتجات  يمكن أتخبل عليها وعقب يطلع فيها عيب مثلا" بعدين أتقفط >ـ<

.. على العموم كل وحده تحترم عمرها وتكتب لي شو أسوي في قناتي << أنزين ليش معصبه @ـ@ !!

 أتحفوني لو ممكن بالأفكار خخخخ الموووهيم حبيت أحط لكم مجموعه منتجات عفصتهم تعفيييص اليهد

 ( فيس معصب )  !  +  ( والعثره من تشبيه خخخخ )

المهم بسم الله  نبدأ :

١ )  سنو فيري شور جيل ( الصور إحتمال تلوع جبدكم لأني موول ما أعرف أصور وإن الأعتراف بالحق فضيله ) هههههه ها الشي الله يسلمكم قصه حب من سنين وبنيييين وها ليمت أدشن بس أيبونه وقت عيدهم ( عيد الكريسميس ) وقبل بس كنت أستخدمه ك شور جيل عادي حق الجسم بس .. بس في أواخر السنه اللي طافت قمت أحط منه شوي على أطراف شعري ويخلي الريحه طرررررررر !! << لا تتهورون وتحطونه كامل شعركم أنا قلت أطرااااااف !! ومب دوم أحطه على أطراف شعري تقريبا" مره كل أسبوع بسس (( وها الشي أشتريه ودوووم بشتريه إدمااااان ها الشور جل  )) 

٢ )  شور جيلزززز من باث أند بودي وركس ها المره أستخدمت
BBW Holiday Traditions Vanilla Bean noel
BBW Dark Kiss Shower Gel
منو فيكم ما يمدح الشور جيل من باث أند بودي وركس يعطون نظافه والريحه رووعه وكنت أستخدمهم ويا لوفه من ذا بودي شوب وتطلع رغوه خيااااليه وخاصه الدارك كيس ريحته أنيقه ورسميه وفي نفس الوقت فيمبايرش ( يعني عادي أتخيل مصاصي الدماء يستخدمونها خخخخخخ ) << خيالي واسع أدري P;
برد أشتري الشور جيل من BBW ولا لا ؟!
تستهبلون !! أكيييد بشتري بس تراني وقت التنزيلات خميت المحل ف خلوني أخلص اللي عندي وعقب برد أشتريه ( يو هو هو هو ^ــ^ ) << اللي أتابع ون بيس بتعرف ياسه أقلد ضحك منو *ـ*

٣ ) اوشن سولت سكراب ( حق الويه والجسم ) + اللي على اليسار روز أرقن بودي كونديشنر

   اللي حبيته في الأوشن سكراب أن ينظف الجسم عددددل من الخاطر بس حق الويه ما أنصح فيه لأني مول ما حسيت بأي تغيير يوم أستخدمته حق ويهي ! برد أشتريه لأنه فنان حق الجسم بس ما بستخدمه حق ويهي << ما أستفدت منه -ـ-"

والروز أرقن عجيييييييييب بس لا تستخدومنه غير فليل لأنه كريمي وحتى يوم بتنشفين عمرج بتحسين عمرج أوويييلي ( الشعور غريب ) وهو يلزق الملابس يعني لو تسبحتي وجربتيه البسي لبس نوم كت وقصير والصبح بتشوفين عمرج نااااعمه للعلم فيني أكزيما في إيدي اللي هو جفاف في الجسم ومب وايد أستخدمه بس يوم أستخدمه فررررررق يدوووم *ـ*

٤ ) ذا بريكفست سكراب من سوب أند جلوري !
الريال اللي يشتغل خلاني أدمن عليه قال لي أن  ريحه السكراب  مثل الكوفي اللي في ستاربوكس ومن عقبها وأنا كل يوم أستخدمه على ما أظن بس ها الشهر خلصت منه ٣ علب << لا تلوموني وأنا في حبه متخبل << خرفتي شو ؟! خخخخ *ـ* لين الحين ما شفت عيب في المنتج غير أنه روووعه ( أشك أن كل المنتجات اللي عندهم روعه يبالي أجربهم كلهم المره اليايه )

٥ ) بودره من أوريانتل برنسسOriental Princess  ( ماركه تايلانديه بتحصلونها في أم بي كيه في تايلاند - بانكوك ) 

عقب ما أنشف جسمي أحب يا أحط بودي سبريه أو بودره . بس الصراحه هاي البودره مووول ما عيبتني ريحتها يعني حطي منها شوي الريحه تكون خفيفه ومقبوله ولو كثرتي منها الريحه تكون قويه ومب حلوه . ف هاي أخر مره أخذ من هاي البودره ( خلت مخي يفتر ) -ـ-" 

٦ ) معجون أسنان original tooth past euthymol ها المعجون وقسم بالله ريحته مشابهه للفكس !! بس وايد أووكيه حق الأسنان وخالتي الله يحفظها يابت لنا من لندن وتميت أدور عليه في دبي بس ماشي باقي لي منه بس واحد وجريب وبيخلص :( لو قدرت جان شليت منه بوكس كامل ورديت خخخ p;

٧ ) peppermint smothing pumice foot scrub سكراب للرجل من ذا بودي شوب
يا رباه ها المنتج لو ذا بودي شوب قطعوه عن المحلات عادي أسوي هوليله على راسهم !! ما أقدر كل يوم الصبح لازم يكون عندي وعقب ما أستخدمه أحط لوشن خفيف على ريولي وأحس أني أستويت عارضه أزياء عقب ما أستخدمه هههههه

٨ ) شامبو هيد أند شولدرز
صح أن كله كيماوي ( هيه معروف الشامبو اللي ينتج وايد رغوه في كيماويات أكثر ) بس أنا أستخدمه مررره في الأسبوع ينظف عدل وحالته حاله وتحصلونه في أي مكان بس أنا أستخدمه مره في الأسبوع لأن أوريدي عندي شامبو ثاني أدمنت عليه بس بين فتره وفتره  التغيير حلو  ^ـ^

 . 

بكمل يوم ثاني سي يا *ـ* 

الزحمه فليل عقب ما نطلع من الواحه سنتر !

السلاااام علييييكم << ريولي خلاص تقول لكم مع السلاااامه

اليوم وصلت أختي المدرسه ووصلنا ساعه 7:40 دقيييقه بالضبط << جذابه نقصت دقيقتين خخخخخ

المووووهيييم .. رديت البيت مره ثانيه و عقبها طلعت مره ثانيه سرت الجامعععععههههه < كرهت حياتها -ـ-"

وطبعا" أنا شاكه أن فيني عرررج مصاصي دماء ياخي عيوني حساااسه من كل شي < خرط تايم أكثر شي تحمر عيونها

في الشممممسسس !! يالبي جنههه حد ضربني طراااق محترم خخخخ . وصلت الجامعه وكالعاده الباركن مالي ما يتغير

صار لي أسبوع ويومين نفس الباركن < أشكره اللي بيقرون البلوق مالي الحين بيعرفون منو أنا مواهاهاهاها < بسم الله

ناويه على شييي < أتمصخررررر .

دشيت الكلاس ساعه 9 بالضبط لأني مب متفيجه أتأخر وأتقفط وحالتي حاله ويهي بيعورني وعقبها بشرد من البلاد .. *ـ*

كان عندي بس كلاسيين اليوم ف ما أستوت أكشنات وايد في الجامعه -ـ-"

رديت البيت وخالتي قالت لي يلاااا بنصلي الظهر وسيييده بنسير الواحه < يا بنت الحلال خافي الله في ريولي درب مال

نص ساعه وطاااف ولا أهتمت !! < أجل يا سيداتي سادتي لقد أصبحت دريول العائله الكريمه -ـ-"

بس بالعكس وناسه < جذابه ما تبا تذاكر خخخخخ !! أول ما وصلنا طبعا" الهنود مال الباركنات بفلوس على طول

أبتسموا < بوليود سمااايل بيبي P:    وجان أضحك من الخاطر .. أول ما دشينا المول هجوووم على ستاربووكس < مب

جايفه خييير وخميت المكان دام أن المحلات مسووين تنزيلات ما خليت مكان ما سرت له وأهم شي خذيت ملابس حق

الجامعه لأن عباياتي كلهم مسكره ف الوحده لازم تلبس اللي يريحها لأن اللي أتي بكعب ولا عباه مرصصه والى أخره

بتتبهدل .. حتى الشباب اللي مسووين أعمارهم داشيين المولات < على راسكم ريشه وأنا ما أدري ؟! (( تبا تتضارب هع ))

الموووهيم عقب ما طلعنا طبعا" السيييد واقف وزحمه وكل واحد يدق هرن حق الثاني وحالتهم حاله ف يت وحده هنديه من

أخر الطريج ويت جدامي يعني جريب وبدعمها !! وفوق كل ها نزلت الدريشه ولعنت خيري بالهندي !! وأنا ما قصرت لعنت

خيرها وسيارتي كبيره وسيارتها قد النمله ف لفيت عليها ومن الزياغ هي ما عرفت شو تسوي ! نعم أنتي أتين من أخر

الطريج وفوق كل ها أتين جدامي وتبطلين الدريشه وأطلعين إدج كامل أونه تتخققين بالأكسسوارات الهنديه ؟! أقول لج

فكيني يالعيووز كلنا في نفس السيد ونتريا عسب أنطوف وأنتي تتحرين عمرج شو ؟! أشورا راي وأنا ما أدري -ـ-"

أحس من زود ما الهنود تارسين دبي أخر شي بيطولون لسانهم زياده وبيلعنون خيرنا على هواهم جايفيين أعمارهم

صح بتقولون أنهم يبنون وحالتهم حاله بس ها شغل مب والله خلاص نحنا تارسين مناطق معينه معناته أن نحن مسووين

إحتلال . والله أحيد أول ما خذيت الليسن شليت ربيعتي وسرنا فيلمين ورا بعض وعقب رديتها البيت وأنا ماخذه سيد اليمين

والتيكسي شل بيزاته والهرب مب حاط ريوله على البريك والسياره أوتوماتيك وجان يدعمني !!!! المهم أول ما نزلت من

السياره هو لعن خيري بالأنجهندي (( الأنجليزي-هندي )) أونه ليش دعمتيني واونه أنا لابسه نظاره على الفاضي !!

بس اللي كانوا وياه يعني الكستمرز اللي كانوا وياه أظني سوريين < مب متأكده في النهايه كلنا بشر ^ـ^

كانوا طيبيين أونه هدي الحين وأتنفسي شهيق وزفير ولعنوا خير راعي التكسي لين ما وصلت الشرطه وتصرفت لأن يلي

هبوط من عقب ما راعي التيكسي قام يتحرطم ويتهندق << أدري يعرف أنه غلطان ف لو تم يحرج على باله أني بعق عليه

قنبله تقصف جبهته عسب أول ما توصل الشرطه يقول لهم والله أن هاي سبتني ولا غلطت علي ولا إلى أخره وتتحول إلى

قضيه في المحاكم بس أنا سكت عنه وما قلت له شي بس تميت أطالعه بنظره خاااايسه .

الحمدلله على كل حال ..

 يلا عيل سي ياااا ^ـ^ 

خمينا الجمعيه !

السلام عليكم ^ـــ^ شخباركم وشو علومكم ؟!

اليوم الصبح (( أدري يوم جمعه مباركه بس شو نسوي )) نشيت تقولون مثل الجنيه مال فيلم (( ماما )) شعري كشه

وموووول مالي خلق أسير الجامعه عسب الأمتحان بس شو نسوي . الحمدلله تاريخ ١٢ أخر يوم وبنفتك وعقبها إجازه

 أسبوع وبنبدا التيرم الثاني < الموووهيييم نشيت الساعه ٦ وسويت اليوتيرررن اليومي << ( الروتين ) هههه

وعقبها سرت الجامعه ووصلت الحمدلله ساعه ٨ و٤٨ دقيقه وعقبها سرت تريييقت ريوق ( التيربوووه ) مال ععععلى السريع

ودشيت الامتحان مثل الخبله أحس أن مخي فر المعلومات من الدريشه !! ( أذني ) وطبعا" في كل أمتحان لازم قلبي يرقص

 من الخوف ويلعن هاي الشغله الخايسه يوم أبا أجاوب على سؤال أتي في بالي أغنيه وأتم أغنيها < أنزين يالعيوز

 والأمتحان ؟!!! وعقب الأمتحان أول ما رديت البيت أهلي طلعوا وبس تمينا أنا وأختي في البيت < قطاو مب أوادم أنزين

ليش ما تشلووونااا وياكم ؟! @@ وجاان أشل أختي ونسير ( بيت زوون ) لأن أوريدي أشتريت قطوه من ربيعتي وجان

أسير ( بيت زوون ) وأشتري قفص عوووود ويا سرير وأكل وألعاب وحركات الدلع خخخخخ .


وعقب ما خمينا ( بيت زوون ) سرنا ميركاتو وأول ما دخلنا باركينات البيسمنت كلللله فووووول !! دخلنا من صوب وطلعنا

من صوب أووووووف كان خاطري أدش السينما وأخذ حلويات من شكر بوكس بس الزحمه وما تفعل < بصيح  -ـ-"

وأول ما وصلنا البيت الوالده الله يحفظها قالت لي أسير الجمعيه عسب أييب اللوندري وعطتني بيزات وعقب ما دفعنا أنا

وأختي هجمنا شلينا عربانه وجان نشتري كلللللل ما لذ وطااااب من حلويات وجبس وبسكوت ( خمينا الجمعيه ) وفوق كل

 ها سرنا ماكدونالد < مرات أتمنى إني ما تعرفت عليه وعلى أهله مسود الويههههههه >ـــ<

وعقب ما وصلنا بيتوووناااا تخيلوا شو حصلت ؟! سياره واحد هندي بقوه ويههه مبركن جدام بيتنا وآنا طبعا" ما سكتتتت

 هجمت على بيتهم <  قصدي دقيت الجرس خخخخخ وخبرتهم يشلون سيارتهم وما يبركنون جدام بيتنا لأن الباركنغغغ

مال بيتنا ف لو شفت سياره من سيايركم بكسسسرها وبخدشهااا واللي في أمه خير يقول لي شي < طبعا" ز... العافيه

وشلوا السياره وحسيت عمري قووووو شرات ( ذا روك ) ههههههه وجاان أمشي مشيه ( البوووسسس آو الغينسترزز )

الموووهيم حسيت عمري لي هيبه وويهي لوووح خخخخخ وجي أستوه اليوووم

يلا سي يوووووو < خقققققه P;

أول يوم جامعه ؟!

السلام عليكم .. حبيت أبدا البلوق مالي دام أن البنات بيدشون الجامعه هاي السنه وما باقي لكم شي وتخلصون الكرف

اللي كرفناه قبلكم !! ^ـ^ أخر يوم أمتحانات حسيت أن خلااااص أفتكيت من نشه الصبح وأزعاج الأبلوات يوم يسوون

دراما التفرقه العنصريه (( أنا كنت أدبي ف الأبلوات كانوا يقولون عنا أن نحن مشاغبين وعلى راس بنات العلمي رييييشه

!! )) ما كانوا يقولون  حقهم شي وطبعا" كلنا نتم مقهورين أن ليش جي ؟! بس الحمدلله تخرجت والحين أنا في جامعه

 سنه ثانيه والحين أمتحانات  نهايه التيرم الأول (( الفصل الأول )) << بعدين بكتب لكم شو تسوون وشو ما تسوون في

الجامعه *ـ*  المووووهييييم (( المهم )) أول شي  جامعتنا مختلطه وطبعا" أنا تميت ١٠ سنوات في مدرسه خاصه وسنتين

في مدرسه حكوميه لأن المدرسه الخاصه اللي أنا كنت فيها ( ما عنديييهاااش )  أدبي كله علمي < جيل المستقبل P:

وطبعا" سويت فيلم تايتانك من صياح ودراما وجريب وكنت بكسر البيت يوم أنتقلت لأن المدرسه اليديده أغلبيتهم كانوا

بويات عفان الله ووقت الفسحه يجلبونها يوم الفلانتاييين السعيييد ويوم تشوفون أشكالهم تقولون كل وحده ويا ريلها

خخخخ < ما يخصني بس صدق هع .. أول يوم جامعه كان كله ضحك في ضحك لأن الشباب جالبين ممر الجامعه ( زوايا

 أمريكا المظلمه )يدوخون زجاير من صوب والتلفون أو غرشه الأورنمنسي من صوب والدكاتره الحمدلله لين الحين يراعون

الواحد وطبعا" شي دكاتره داخل عيني وفوق راسي من زود الطيبه اللي عندهم وإذا احتجتوا لشي على طول يقولون لكم

إن شاء الله (( بحدود مب  تمصخونها هههه )) . وفي الجامعه ما يقولون الصف < مااااال أول الحين يزقرونه كلااااس <

اللغه الأنغليزيه معنزتنااا ـ مخرفتناااا وإذا سمعتوا صوت الجرس لا تستهبلون ترى الدكاتره يطلعونكم ماااشي جرس

والجرس الوحيد اللي هو مال الحريجه والعياذ بالله < مع أن الواحد بيقول إجازه قصيره بس إن شاء الله محد يتأذى p;

 ونصيحه وبعيد أكررها ستين ألف مليون مره ( لا تخلين وحده سخيفه راعيه موضه جنها سايره عرس أبوها وأنا ما أدري

تقول لج وببروده أعصاب أن أووو أنتي يايه جامعه بدون مكياج ؟! أو بلا بلا بلا قصدي إلى أخره < سوي لها طاف لأن

في النهايه الجامعه عشان تبنين مستقبلج مب حق سواد ويوهم ) < عصبت البنت خخخخخخ  يلا بكتب لكم الباقي عقب

سي يااا<  مع السلامه  ^ـ^